Hindistanda dünyanın ən yaşlı marafonçusu olduğu güman edilən britaniyalı hindistanlı Fauja Sinq yolu keçmək istəyərkən avtomobilin vurması nəticəsində dünyasını dəyişib.
O, dünyanın ən yaşlı marafonçusu kimi tanınırdı…
Olimpiya Oyunlarının internet saytındakı xəbərdə doğulduğu Hindistanın Beas Pind qəsəbəsində yolu keçmək istəyərkən avtomobilin onu vurması nəticəsində ağır yaralanan Fauca Sinqhin öldüyü bildirilib.
1911-ci ildə anadan olan, fiziki zəifliyi səbəbindən 5 yaşına qədər yeriyə bilməyən Sinq 2000-ci ildə 89 yaşında Londonda ilk marafonuna qatılıb.
“Turbanlı qasırğa” kimi tanınan Sinq Londondan başqa Toronto, Nyu-York, Honq Konq və Mumbay kimi şəhərlərdə yarışıb.
Sinq 2011-ci ildə Toronto marafonunu 8 saatdan çox qaçaraq 100 yaşında marafonu başa vuran ilk idmançı oldu.
2013-cü İLDƏ KARYERASINA SON VERDİ
London 2012 Olimpiya Oyunlarında məşəl daşıyan Sinq 2013-cü ildə Honq-Konqda 10 kilometr məsafəyə yürüşdə çıxış etdikdən sonra karyerasını başa vurub.
Mənbə: EnSonHaber