Madridin məşhur Santiago Bernabéu stadionu bu Milad mövsümündə qeyri-adi bayram məkanına çevrilib. 83 min 186 tamaşaçı tutumuna malik stadion “dünyanın ən böyük qardan kürəsi” konsepti ilə bəzədilərək ziyarətçilərin ixtiyarına verilib.
Festival çərçivəsində stadion ərazisində buz meydançası, karusel, iri slaydlar və digər bayram əyləncələri quraşdırılıb. Tədbir əsasən ailələr və uşaqlar üçün nəzərdə tutulmuş Milad temalı əyləncə proqramları ilə diqqət çəkir.
Təşkilatçıların verdiyi məlumata görə, bayram həftəsi üçün nəzərdə tutulan bütün biletlər artıq satılıb. Bu isə tədbirin həm yerli sakinlər, həm də turistlər arasında böyük maraq doğurduğunu göstərir.
Mənbə: The Sun