Milad bayramı dünyanın bir çox ölkəsində xüsusi coşqu ilə qeyd olunur. Birləşmiş Krallıqda şəhərlər bayram işıqları ilə bəzədilir, küçələrdə Milad ağacları qurulur və insanlar ailələri ilə birlikdə bayram süfrəsi arxasında toplaşırlar. Bayram münasibətilə keçirilən tədbirlər və mərasimlər şəhərlərə xüsusi canlılıq qatır.
Avropa ölkələri ilə yanaşı, Amerikada da Milad bayramı geniş şəkildə qeyd edilir. Böyük şəhərlərdə möhtəşəm bəzəklər, bayram yürüşləri və konsertlər təşkil olunur. İnsanlar bu günlərdə bir-birinə hədiyyələr təqdim edir, xeyriyyə aksiyalarında iştirak edərək bayramın paylaşma və mərhəmət ruhunu ön plana çıxarırlar.
Asiya ölkələrində isə Milad bayramı fərqli mədəni çalarlarla müşayiət olunur. İndoneziya, Filippin və digər ölkələrdə kilsələrdə ibadətlər keçirilir, küçələr bayram atributları ilə bəzədilir. Sosial şəbəkələrdə paylaşılan bayram fotoları isə Miladın dünya miqyasında insanları sevinc və birlik hissi ətrafında birləşdirdiyini nümayiş etdirir.
Mənbə: Wrap.com