Bugun.tv xəbər verir ki, hadisə Əfqanıstanın şimal-şərqindəki Bədəxşan bölgəsində baş verib.
Əfqanıstanın yerli mediası əvvəlcə təyyarənin Hindistana məxsus sərnişin təyyarəsi olduğunu yazıb. Lakin sonradan Hindistan Aviasiya Nazirliyi qəzaya uğrayan təyyarənin heç bir Hindistan aviaşirkətinə aid olmadığını açıqlayıb.
Rusiya Aviasiya İdarəsi Hindistandan Moskvaya doğru hərəkət edən və içərisində 6 nəfərin olduğu Rusiya qeydiyyatlı təyyarənin radarlardan itdiyini açıqlayıb.
Təyyarənin Fransa istehsalı olan Falcon 10 tipli olduğu bildirilir.
Təyyarədə 6 nəfərin olduğu təxmin edilir. 2 nəfər rus vətəndaşı olub.
Sosial mediada paylaşılan, lakin təsdiqlənməmiş görüntülərdə təyyarənin qəzaya uğradığı güman edilən ərazidən tüstü çıxdığı görünür.
Mənbə: ntv
Müxbir: Qaytən Qasımzadə