Bugun.tv xəbər verir ki, İtaliyanın qərbindəki Elba adasında dünən axşam saatlarında başlayan meşə yanğını ilə əlaqədar 700-ə yaxın insan təxliyə edilib. Adada yanğınsöndürmə işlərinə çoxlu sayda komanda, 2 yanğınsöndürmə təyyarəsi və 2 yanğınsöndürmə helikopteri qatılıb. Elba adasının inzibati olaraq bağlı olduğu Toskana Regional Rəhbərliyi mənbələri də dünən gecə baş verən yanğının bu gün səhər saatlarında nəzarətə alındığını və soyutma işlərinin davam etdiyini açıqlayıb. İlkin təsbitlərə görə, adada baş verən yanğında 14 hektar əraziyə ziyan dəyib.
Müxbir: Şəms Elnurqızı