Bugun.tv xəbər verir ki, Avstraliyanın Sidney hava limanının dayanacağında elektriklə işləyən avtomobilin litium-ion akkumulyatorunun alışması nəticəsində baş verən yanğında 5 avtomobil yararsız hala düşüb.
ABC News-un məlumatına görə, Sidney hava limanının dayanacağında baş verdiyi bildirilən yanğına Yeni Cənubi Uels (NWS) əyalətinin xilasetmə qrupları müdaxilə edib.
Yanğının dayanacaqda lüks avtomobildəki litium-ion batareyasının alışması nəticəsində baş verdiyi müəyyən edilib.
Akkumulyatordan çıxan qığılcımların daha sonra yaxınlıqda park edilmiş 4 avtomobilə keçdiyini bildirilir.
Yanğına səbəb olan akkumulyatorun avtomobildən hansı səbəbdən çıxarıldığı hələlik məlum deyil.