“Əlil Qadınlar Cəmiyyəti” İB Lənkəranda əlilliyi olan qadınlara seminar keçib  

Bugun.tv xəbər verir ki, “Əlil Qadınlar Cəmiyyəti” İctimai Birliyi (ƏQC.İB) tərəfindən BMT-nin Etimad Fondunun (UN Trust Fund) maliyyə dəstəyi ilə həyata keçirilən “Bakı, Gəncə şəhərləri, Qusar, Quba, Xaçmaz rayonlarında əlilliyi olan qadın və qızların ictimai xidmətlərə çıxışının təkmilləşdirilməsi” layihəsi çərçivəsində tədbirlər davam etdirilir.Növbəti təlim Lənkəran şəhərində təşkil olunub. Əlilliyi olan qadın və qızların da iştirak etdiyi təlimdə onlara sosial problemlərinin həlli zamanı hüquqlarından necə istifadə etməli olduqları izah olunub. Bununla yanaşı psixoloq Nigar Sadıqova onlara psixoloji dəstək göstərib. Sosial müdafiə və məşğulluq imkanları ilə bağlı geniş müzakirələr aparılıb. Təlimin keçirilməsində əsas məqsəd əlilliyi olan qadınların ictimai xidmətlərə çıxışının təmin edilməsi, zorakılığa qarşı mübarizə yollarının araşdırılması və diskriminasiyanın aradan qaldırılmasının vacibliyi olub.Təlimdə əlilliyi olan qadınların sosial problemlərinin həllinə yönəlmiş yeni dəstək qruplarının yaradılması, şəbəkələşmənin gücləndirilməsi və innovativ ideyaların paylaşılması ilə bağlı təşəbbüslər irəli sürülüb.