“Hindistan, dünyada ilk dəfə lazer interneti tətbiq edən ölkə olmaq üçün çalışır. Lazer internet, fiberoptik kabel olmadan yüksək sürətli və güvənli internet əlaqəsi təmin edir. Lazer internetin faydaları arasında, ərazinin coğrafi vəziyyətinin önəmsiz olması, kabel quraşdırma və xidmət xərclərinin azalması, və internetin daha geniş əhalinin istifadəsinə çatdırılması sayıla bilər. Hindistanın lazer internet proqramı, ölkənin ictimai və iqtisadi inkişafına töhfə vermək niyyətindədir”.
Bugun.tv xəbər verir ki, bu fikri azərbaycanlı iş adamı, Azərbaycan İnformasiya və Kommunikasiya Texnologiyaları Sənayesi Assosiasiyasının İdarə Heyətinin sədri Elvin Abbasov sosial media hesabında qeyd edib.
E.Abbasovun fikrincə, dünyanın ən sıx məskunlaşdığı, 1,5 milyarda yaxınlaşan əhalisi olan Hindistanda internet infrastrukturunun yaradılması böyük problemdir. Texnologiya nəhəngi Google isə bu məqsədlə fiberoptik kabellər yerinə güclü lazerlərdən istifadə edir. Texnologiya peyk internetinə ucuz alternativ ola bilər.
Lakin bu, həmçinin, göydən gedən bir çox lazerin olması deməkdir. “Bu lazerlər təsadüfən insanlara vurarsa, nə olar? Bəlkə də, onlar “super qüvvələr əldə edərlər”. Ya da bəlkə də, onlar yanaraq ölərlər. Biz bu barədə dəqiq heç nə bilmirik. Biz yalnız bilirik ki, Hindistanda bir çox alternetiv və sürətli internet olacaq”,- E.Abbasov bildirib.