Bugun.tv xəbər verir ki, bu barədə NASA yazılı açıqlama verib. Astronomlar müşahidələrində Chandra X-ray Rəsədxanası və Aşağı Tezlik Dizisi (LOFAR) daxil olmaqla müxtəlif teleskoplardan istifadə ediblər.
Yerdən 3,8 milyard işıq ili uzaqlıqda yüzlərlə qalaktikadan ibarət nəhəng qalaktika klasteri olan SDSS J1531-də milyardlarla il əvvəl qeydə alınmış ən böyük qara dəlik partlayışlarından birini müşahidə ediblər.
Astronomlar partlayışın qalaktika klasterindəki qalaktikalardan birinin mərkəzindəki superkütləli qara dəliyin səbəb olduğunu qiymətləndirib. Nəticəsində nəhəng bir boşluğun əmələ gəldiyini müəyyən ediblər.
Araşdırmaya rəhbərlik edən Harvard-Smithsonian Astrofizika Mərkəzindən Osase Omoruyi, “Biz bu böyük partlayış üçün sübutlarımızın güclü olduğunu düşünürük, lakin Chandra və LOFAR ilə əlavə müşahidələr bunu təsdiq edəcək” deyib.
Omoruyi qeyd edib ki, onlar artıq aşkarladıqları boşluğun mənşəyi haqqında daha çox məlumat əldə etməyə və qara dəliyin digər tərəfində meydana gəlməsi proqnozlaşdırılan boşluğu tapmağa ümid edirlər.
Araşdırmanın nəticələri “The Astrophysical Journal”da dərc olunub.
Müxbir Qaytən Qasımzadə
Mənbə lenta.ru