Bugun.tv xəbər verir ki, Astronomlar 13 milyard il əvvəl yeni ulduzların əmələ gəlməsinin dayandığı ən uzaq sönmüş qalaktikanı kəşf ediblər. Bu barədə “Nature” jurnalında dərc olunan məqalədə bildirilib.
Böyük Partlayışdan 700 milyon il sonra mövcud olan qalaktikanın müşahidələri James Webb Kosmik Teleskopu vasitəsilə həyata keçirilib. Orada ulduzların əmələ gəlməsi sürətli olub. 30-90 milyon il ərzində dayanıb. Bu da Kainatın təkamülünün belə erkən mərhələsi üçün qeyri-adi haldır.
Kainatın mövcudluğunun ilk bir neçə yüz milyon ili çox aktiv bir mərhələ idi. Bir çox qaz buludları çökərək yeni ulduzlar əmələ gətirib.. Ancaq ulduzların əmələ gəlmə sürəti çox yüksək olarsa, soyuq molekulyar qazın ehtiyatları tez tükənir. Bundan əlavə, nəhəng qaz buludlarının dağılması nəticəsində yaranan superkütləvi qara dəliklər materialı qalaktikadan kənara sovuran güclü küləklər yarada bilər. İsti gənc ulduzların böyük qrupları təxminən eyni təsirə malikdir.
Astronomlar hesab edirlər ki, Böyük Partlayışdan təxminən 13 milyard sonra qalaktika yenidən həyata qayıtmış və yenidən yeni ulduzlar əmələ gətirməyə başlamış ola bilər.
Müxbir Qaytən Qasımzadə
Mənbə lenta.ru