Meksikanın cənub-qərbinə təsir edən “Erik” qasırğası 4-cü kateqoriya təhlükə səviyyəsinə çatıb.
ABŞ Milli Qasırğa Mərkəzindən verilən açıqlamada “Erik” qasırğasının Meksikanın cənub-qərbində və ətraflarında güclü yağışlara səbəb olacağı barədə xəbərdarlıq edilib.
Açıqlamada qasırğanın çox təhlükəli 4-cü kateqoriya səviyyəsinə çatdığı və sürüşmə və daşqınlara səbəb ola biləcəyi bildirilib.
Meksika hakimiyyəti qasırğanın ölkənin cənub-qərbinə, xüsusilə Akapulko şəhərinə və Puerto Anxel bölgəsinə təsir göstərə biləcəyini qeyd edib.
Meksika prezidenti Claudia Sheinbaum insanları bölgədəki bütün fəaliyyətləri dayandıraraq evdə və ya sığınacaqlarda qalmağa çağırıb.
Mənbə: İlkha