“Azərbaycan xalqı tarix boyu öz tolerantlığı, digər din və mədəniyyətlərə hörmət etməsi ilə seçilib. Düşünürəm ki, sülh müqaviləsi imzalandıqdan sonra ermənilərlə birgə yaşamaq daha çox Ermənistanın özündən asılıdır. Biz bütün xalqlarla, bütün dinlərin nümayəndələri ilə bir yerdə yaşaya birliksə, ermənilərlə də yaşaya bilərik”.
Bugun.tv xəbər verir ki, bu fikirləri millət vəkili Ceyhun Məmmədov facebook hesabındakı paylaşımında qeyd edib. Onun sözlərinə görə, ermənilərlə birgə yaşamaq olar. Ancaq bununçün onlar bizə qarşı düşmənçiliyə, təbliğata, nifrətə son qoymalıdırlar. “Əgər onlar bu yolu seçsələr, Azərbaycan xalqına qarşı düşmənçilik davam etdirməsələr, azərbaycanlılara qarşı kin və nifrətin təbliğindən əl çəkə bilsələr, fikrimcə, bu mümkündür”, – millət vəkili C.Məmmədov vurğulayıb.