Azərbaycan Ordusunun mövqeləri erməni silahlı bölmələri tərəfindən müxtəlif istiqamətlərdən intensiv atəşə tutulub.
Azərbaycan Müdafiə Nazirliyinin yaydığı məlumata görə, aprelin 6-sı axşamdan 7 aprel saat 04:30-dək Ermənistan silahlı qüvvələrinin bölmələri cəbhənin Gorus, Qarakils, Başarkeçər, Keşişkənd, Tovuzqala və Çəmbərək rayonları istiqamətlərində Azərbaycan Ordusunun mövqelərini fasiləsiz, intensiv atəşə tutub.
Bildirilib ki, sözügedən rayonlarda Azərbaycan bölmələri tərəfindən adekvat cavab tədbirləri görülüb.
Mənbə: İlkha