Səfir Sos Avetisyan İspaniya parlamentinin Avropa İttifaqı məsələləri üzrə komissiyasının sədri Susanna Sumelso Jordan və onun nümayəndə heyəti ilə görüşüb.
Bugun.tv-nin əldə etdiyi məlumata görə, səfir İspaniya parlamentarilərinə Azərbaycanın Laçın dəhlizini guya 70 gündən artıq bağlaması nəticəsində yaranmış vəziyyəti və mümkün olan ən qısa zamanda lazımi tədbirləri təqdim edib. Həmsöhbətlər ikitərəfli münasibətlərin gündəliyində duran bir sıra məsələlərə toxunub. Parlament diplomatiyasının gücləndirilməsinin vacibliyini vurğulayıb. Geosiyasi proseslər ətrafında fikir mübadiləsi aparıblar. Səfir Avetisyan ispan parlamentarilərinin suallarını cavablandırıb.