Fələstin prezidenti Mahmud Abbas Fələstin xalqını öz torpaqlarından zorla çıxarmaq planlarını və çağırışlarını bir daha rədd edib.
Fələstinin rəsmi xəbər agentliyi WAFA-nın məlumatına görə, Abbas Fransa prezidenti Emmanuel Makronla telefon danışığı aparıb.
Görüşdə Fələstin xalqının məcburi köçkünlüyünün rədd edilməsi, təcili humanitar yardımların çatdırılması, Qəzza zolağında atəşkəsin möhkəmləndirilməsi, Fələstin administrasiyasının Qəzzanı nəzarətə götürməsi və Qəzzanın yenidən qurulması vurğulanıb.
Abbas ölkəsinin Fələstin xalqının didərgin düşməsinə münasibətinə və iki dövlət həllini dəstəklədiyinə görə Makrona təşəkkür edib və Fransanın Səudiyyə Ərəbistanı ilə birgə beynəlxalq sülh konfransının təşkilində iştirakının, beynəlxalq səviyyədə tanınmasının və Fələstinin BMT-yə tamhüquqlu üzv olmasının vacibliyini vurğulayıb.
Abbas, dünən Efiopiyanın paytaxtı Əddis-Əbəbədə keçirilən 38-ci Afrika Birliyi Zirvə Toplantısında Baş Assambleyaya etdiyi xitabda, “Yeni Əsrin Müqaviləsinin qəbul edilməsinə və ya xalqımızı yerindən tərpətməyə inananlar xəyalpərəstdir” deyib.
Səudiyyə Ərəbistanının Əl-Ərəbiyyə kanalının xəbərinə görə, Fələstin probleminin həlli üçün iyunda keçiriləcək beynəlxalq konfransa Ər-Riyad və Paris sədrlik edəcək.
ABŞ prezidenti Donald Tramp fevralın 4-də Ağ Evdə İsrailin baş naziri Benyamin Netanyahu ilə keçirdiyi birgə mətbuat konfransında ABŞ-ın Qəzza zolağının nəzarətinə keçəcəyini bildirib.
Qəzzanın artıq tam bir məhv bölgəsi olduğunu qeyd edən Tramp, Qəzzadakı fələstinlilərin qonşu ölkələrdə, xüsusilə Misir və İordaniyada tikiləcək yeni qəsəbələrə getmələrinin daha yaxşı olacağını müdafiə etdi.
Tramp həmçinin iddia edib ki, fələstinlilərin Qəzzanı tərk etməkdən başqa seçimi yoxdur.
Mənbə: TrtHaber