Bugun.tv xəbər verir ki, İlqar Mustafayev qardaşı haqqında məlumat verib.
“Səhər qardaşımla videozənglə danışdıq, onunla hər şey qaydasındadır. Ayağındakı yara artıq sağalıb, qalxıb yeriyir”.
İ.Mustafayevin sözlərinə görə, həkimlər deputatın reabilitasiya prosesinin yaxşı getdiyini qeyd edirlər.
“Bəziləri yazır ki, yaraları ağırdır, vəziyyəti ağırdır. Amma bu doğru deyil. Heç nə gizlətmirik. Qardaşım yaxşıdır, şükür Allaha. Həkimlər əlindən gələni edirlər. Ayağındakı yara artıq sağalıb. Çiynində olan yara da yaxşılaşmaq üzrədir. Reabilitasiya prosesi hələ başa çatmayıb”- deyə deputatın qardaşı bildirib.
Xatırladaq ki, deputat Fazil Mustafa martın 28-i evinin qarşısında silahlı hücuma məruz qalmışdır.
Mənbə: OXU.AZ