Hindistanın Kerala əyalətində keçirilən festivalda filin insanlara hücumu nəticəsində 1-i ağır olmaqla 17 nəfər yaralanıb.
Hadisə Malappuram şəhərində Puthiyangadi festivalı zamanı baş verib. Festival çərçivəsində bəzədilmiş fil naməlum səbəbdən qəfil nəzarətdən çıxıb və kütləyə hücum edib.
Hadisə şahidlərinin sözlərinə görə, fil ətrafdakı insanlara zərər verib və bir nəfəri havaya qaldıraraq yerə yıxıb.
Hücum zamanı yaralanan 17 nəfər ətrafdakı xəstəxanalara aparılıb. Yaralılardan birinin vəziyyətinin ağır olduğu bildirilib. Uzun səylərdən sonra fil çətinliklə nəzarət altına alınıb.
Hindistanda festivallarda fillərdən tez-tez istifadə olunur. Ancaq bu cür hadisələr göstərir ki, fillər stress zamanı aqressivləşə bilirlər.
Mənbə: İlkha