Macarıstanın paytaxtı Budapeştdə keçirilən Avropa Klublar Assosiasiyasının (ECA) Baş Assambleyasında FİFA prezidenti Canni İnfantino və ECA prezidenti Nasser əl-Xəlif arasında 31 dekabr 2030-cu ilə qədər qüvvədə olacaq yeni saziş imzalanıb.
Tərəflərin birgə bəyanatına görə, ECA-ya bağlı klublar 2030-cu ilin sonuna qədər FİFA-nın oyun cədvəlinə əməl edəcək. ECA 2025-ci ildən etibarən 32 komandanın iştirakı ilə keçiriləcək FIFA Klublararası Dünya Çempionatının yeni formatını dəstəkləyəcək. 2025-ci ildən başlayaraq hər 4 ildən bir keçiriləcək bu formatda UEFA-ya bağlı 12 klub mübarizə aparacaq.
Xatırladaq ki, FİFA əvvəlki iki dünya çempionatında mübarizə aparan milli futbolçuların klublarına ümumilikdə 209 milyon dollar ödəmişdi.
2026 və 2030-cu il mundiallarında bu rəqəm 70 faizlik artımla ümumilikdə 355 milyon dollara çatacaq.