Bugun.tv xəbər verir ki, Filippinin Namuak bölgəsində 6,3 bal gücündə zəlzələ baş verib.
ABŞ Geoloji Xidməti (USGS) zəlzələnin episentrinin Namuak bölgəsindən 73 kilometr şimalda olduğunu bildirib.
İlkin məlumata görə, 41,3 kilometr dərinlikdə baş verən 6,3 bal gücündə zəlzələdə can və mal itkisi olmayıb.
Qeyd edək ki, bu ölkədə iyun ayında da 6,2 bal gücündə zəlzələ qeydə alınıb.
Dünyada seysmik hərəkətlərin ən çox baş verdiyi ölkələrdən biri olan Filippin “Alov halqası” kimi tanınan Sakit Okean Seysmik Bölgəsində yerləşir.