Finlandiya Prezidenti Sauli Niinistö Ərdoğanın dəvəti ilə martın 16-17-də Türkiyəyə işgüzar səfər edəcək.
Bugun.tv türk mediasına istinadən xəbər verir ki, bu barədə Rəyasət Heyətinin Kommunikasiyalar Müdirliyi məlumat yayıb.
İstanbulda baş tutacaq görüşdə Türkiyə-Finlandiya münasibətlərinin bütün aspektləri nəzərdən keçiriləcək. Əməkdaşlığın yaxşılaşdırılması üçün atılacaq addımlar müzakirə olunacaq.
İkitərəfli əlaqələrlə yanaşı, Finlandiyanın NATO-ya üzvlük müraciəti,Türkiyə-Avropa İttifaqı münasibətləri və qlobal problemlər ətrafında fikir mübadiləsinin aparılması nəzərdə tutulur.
Mənbə: NTV