“Microsoft” fotolardan video yaradan süni intellekt proqramı “VASA-1”-in istehsalına başlayıb.
OpenAI, “ChatGPT” və Google-un “Gemini” kimi ardıcıl tətbiqləri ilə diqqət çəkdikdən sonra, digər texnologiya nəhəngi şirkətlər süni intellekt proqramlarını işə salmağa davam edir.
Bugun.tv-nin əldə etdiyi məlumata görə, VASA-1 istənilən şəkil və ya rəsm çəkə, onu mövcud audio faylı ilə birləşdirə bilir. Bu süni intellektlə fotoşəkillərdən üz ifadələri və baş hissə götürülür, daha sonra onlara hərəkət verilir. Eyni zamanda tətbiq danışığa uyğun ağız hərəkətləri də edə bilər.
Microsoft bildirib ki, VASA-1 hazırda yalnız tədqiqat layihəsidir, ona görə də onu başqalarına təqdim etmir. Şirkət yeni alətin xüsusi olaraq virtual personajları canlandırmaq üçün nəzərdə tutulduğunu bildirib.
Microsoft-un yeni texnologiyanı ictimayyətə təqdim etməməsini səbəb isə bu proqramın fırıldaqçılar tərəfindən oğurlana bilmə ehtimalıdır.