Fransada etirazçılar İntibah partiyasının deputatı Violette Spilleboutun evinin qapısına divar hörüblər.
Bugun.tv xəbər verir ki, bu barədə yerli mətbuat məlumat yayıb.
Lill Bələdiyyə başçısı Martin Obri deputatın evinin girişinin bağlanmasına reaksiya verib. Polisin iştirakı ilə divar sökülüb, mane aradan qaldırılıb.Qeyd edək ki, Fransa hökumətinin pensiya yaşının 62-dən 64-ə qaldırılmasını nəzərdə tutan qanun layihəsi ölkədə etirazlara səbəb olub. Hazırda Fransanın bir çox yerində polis və vətəndaşlar arasında zorakılıqlar yaşanır. Martın 16-dan etibarən ölkə boyu təşkil edilən aksiyalarda 1000-dən çox adam saxlanılıb. Əvvəlki 9 kütləvi nümayişdə milyonlarla insan etiraz etmək üçün küçələrə çıxıb.