Parisdə Fransa hökumətinin pensiya islahatı planına qarşı etirazlar davam edir. Bugun.tv xarici mediaya istinədən xəbər verir ki, aksiya zamanı 230-dan çox adam saxlanılıb.
Sakitliyi təmin etmək üçün 2000-dən çox jandarm və polis cəlb edilib. Buna baxmayaraq, nümayişçilərlə asayiş keşikçiləri arasında iğtişaşlar və toqquşmaların qarşısını almaq mümkün olmayıb. İzdihamı dağıdarkən 11 polis əməkdaşı yaralanıb.
Qeyd edək ki, Fransada pensiya yaşını 62-dən 64-ə qaldıran və bir sıra xüsusi pensiya proqramlarını ləğv edən islahatlar planı yanvar ayında təqdim edilib. Təklif olunan dəyişikliklər dərhal çoxsaylı etirazlara səbəb oldu. Martın 16-da Fransanın baş naziri Elizabet Born pensiya islahatı haqqında qanun layihəsinin parlamentin səsi olmadan və hökumətin səlahiyyəti altında qəbul edildiyini açıqladı. Həmkarlar ittifaqları və müxalifət partiyaları kabinetin bu addımını pisləyib və ölkə daxilində daha çox nümayişlərə çağırıblar.