Fransızların böyük əksəriyyəti parlamentin buraxılması və yeni seçkilərin keçirilməsini istəyir

Bugun.tv “Reuters” agentliyinə istinadla xəbər verir ki, bunu “Ifop”, “Elabe” və “Toluna Harris Interactive” şirkətlərinin keçirdiyi sorğuların nəticələri sübut edir. Sorğulara əsasən, respondentlərin 56%-dən 69%-dək hissəsi növbədənkənar parlament seçkilərinin keçirilməsini dəstəkləyir. “Elabe” şirkətinin “BFM” telekanalı üçün keçirdiyi sorğu göstərib ki, respondentlərin 67%-i Baş nazir Fransua Bayrunun etimadsızlıq səsverməsini uduzacağı halda Emmanuel Makronun istefa verməsini istəyərdi. “Ifop”un “LCI” telekanalı üçün apardığı sorğu da oxşar nəticəni ortaya qoyub. Baş nazir Fransua Bayrunun bazar ertəsi verdiyi gözlənilməz bəyanatı, yəni, sentyabrın 8-də 2026-cı il dövlət büdcəsi planları üzrə etimad səsverməsi keçirilməsini xahiş edəcəyini bildirməsi Fransanı yenidən böhrana sürükləyib, bu isə qiymətli kağızlar bazarında səhmlərin və istiqrazların kəskin satışına səbəb oldu