Avstraliyanın qərbindəki Camballin bölgəsində iki helikopter havada toqquşub. Qəza nəticəsində 2 pilot həlak olub.
Avstraliya polisindən verilən açıqlamaya görə, Qərbi Avstraliya əyalətinin Camballin qəsəbəsindəki Mount Anderson Stansiyası yaxınlığında heyvan fermalarında istifadə edilən iki “Robinson R22” tipli helikopter havada toqquşub.
Sərnişinləri olmayan helikopterlərdə olan iki pilot qəza zamanı aldıqları xəsarətlərdən dünyasını dəyişib.
Polis yerli vaxtla saat 6.20-də baş verən qəzanın iki helikopterin mal-qara toplamaq üçün havaya qalxması və havaya qalxdıqdan dərhal sonra havada toqquşması nəticəsində baş verdiyini bildirib.
Mənbə: Haber Global