Bugun.tv xəbər verir ki, Bakıda ötən gecə bir qrup yeniyetmə yolun kənarında quraşdırılmış dayaqları (avtomobilin keçidini açılan və qaldırıcı konstruksiyaların köməyi ilə bağlamaq üçün nəzərdə tutulmuş qurğu – red.) zədələyib.
Bu barədə məlumat Vaku.ws qaynar xəttinə daxil olub.
Yerli sakinlərin verdiyi məlumata görə, Nəsimi rayonu Əlövsət Quliyev küçəsi 92-96 ünvanında yeniyetmələr 60-dan çox dayağın üzlüklərini qoparıblar.
Hadisəni şərh edən Daxili İşlər Nazirliyinin mətbuat xidmətinin əməkdaşı Nurlan Əliyev Vaku.ws-ə bildirib ki, video ilə bağlı araşdırmalara başlanılıb: “Hadisəni törədən şəxslərin müəyyən edilərək məsuliyyətə cəlb edilməsi istiqamətində tədbirlər davam etdirilir”, – deyə mətbuat katibi bildirib.
