İsrail ordusunun Qəzza zolağına gecə boyu həyata keçirdiyi hücumlarda ən azı 10 fələstinli həyatını itirib, onlarla insan yaralanıb. İsrail ordusunun Qəzza zolağına havadan, dənizdən və qurudan hücumları 285-ci gündə də davam edir.
Fələstinin rəsmi xəbər agentliyi WAFA-da yer alan xəbərə görə, İsrail ordusu Qəzzanın müxtəlif bölgələrini hava hücumları və artilleriya atəşi ilə hədəfə alıb.
Qəzza zolağının mərkəzi hissəsindəki Nusayrat Qaçqınlar Düşərgəsində bir evin bombalanması nəticəsində 7 nəfər həyatını itirib, çox sayda insan isə yaralanıb.
İsrail ordusu Nusayrat Qaçqınlar Düşərgəsindəki Abdullah Əzzam məscidini bombalayıb, hücumda 2 fələstinli ölüb, 15-i yaralanıb.
Nusayrat Qaçqınlar Düşərgəsindəki İhsan Məscidinin yanındakı bir binanın atəşə tutulması nəticəsində ən az 1 nəfərin öldüyü, çoxlu sayda insanın yaralandığı xəbərində İsrailin Qəzza şəhərində başda olmaqla bir çox bölgəni hədəf aldığı bildirilib.
Xəbərə görə, İsrail ordusunun Qəzza zolağının cənubundakı Xan Yunis və Rəfah şəhərlərinə hücumları davam edir.
İsrailin 7 oktyabrdan bəri Qəzza zolağına təşkil etdiyi hücumlarda ən az 15 min 694-ü uşaq, 10 min 279-u qadın olmaqla 38 min 713 fələstinli həyatını itirib, 89 min 166 nəfəri isə yaralanıb.
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.
Mənbə: TrtHaber