Ohayo Dövlət Universitetinin alimləri ilk dəfə olaraq shiitake (şiitake) göbələklərini kompüter mikroçipləri kimi uğurla istifadə ediblər. Onlar üzvi yaddaş cihazları yaradıb və metal komponentləri əvəz edərək onları işləyən kompüterə inteqrasiya ediblər.
Təcrübələr göstərib ki, göbələk strukturları yarımkeçirici çiplər kimi saniyədə minlərlə dəfə elektrik vəziyyətləri arasında keçid edə, onları yadda saxlaya və təkrar istehsal edə bilir.
Onlar bunu minimal enerji sərfiyyatı ilə edir və neyron şəbəkəsi kimi fəaliyyət göstərir.
Tədqiqatçılar hesab edirlər ki, bu cür biosistemlər yeni nəsil bioelektronikanın əsasını təşkil edə bilər: ucuz, özünü bərpa edən və ətraf mühitə uyğun. Silikon çiplərdən fərqli olaraq, üzvi göbələk əsaslı mikroçiplər tamamilə bioloji parçalana bilir və ətraf mühiti çirkləndirmir.
“Əgər mikroçip sinir fəaliyyətini təqlid edirsə, gözləmə rejimində enerji sərf etmir. Bu, güclü hesablama və iqtisadi üstünlük təmin edir”, – deyə tədqiqatın müəllifi Con LaRokko izah edib.
Mənbə: mail.ru