“Google” şirkəti “Google Chrome” brauzeri vasitəsilə istifadəçilərin şəxsi məlumatlarını topladığı barədə məhkəmə iddiasını tənzimləməyi qəbul edib.
Bugun.tv “Reuters” agentliyinə istinadla xəbər verir ki, məhkəmə iddiasında şirkətin ən azı 5 milyard dollar məbləğində cərimə ödəməsi tələb olunur. Məsələnin nizamlanma şərtləri açıqlanmır, amma vəkillər bəyan ediblər ki, onlar vasitəçilik prosesi əsnasında mütləq razılıq barədə kompromis əldə ediblər və rəsmi sazişi 2024-cü il fevralın 24-də keçiriləcək məhkəmənin təsdiqinə təqdim etməyi nəzərdə tuturlar.
İddiaçılar bildirirlər ki, Google platformasının analitika, cookie və digər tətbiqləri hətta “Google Chrome” baruzerindən “inkoqnito” rejimində istifadə etdikdə belə, “Alphabet” bölməsinə onların hərəkətlərini izləməyə imkan verir.