Bugun.tv xəbər verir ki, Çinin şimalındakı Şaansi əyalətinin mərkəzi olan Sian şəhəri yaxınlığında torpaq sürüşməsi nəticəsində 21 nəfər ölüb.
Şian Fövqəladə Hallar İdarəsi Bürosunun “TRT Haber”ə verdiyi məlumata görə şəhərin qərbindəki magistral yol zədələnib, 900 evin elektrik enerjisi kəsilib. Hadisədə 6 nəfər itkin düşənlərin axtarışları davam edir.
İyul ayından bəri Çinin şimal əyalətləri Doksuri və Khanun tayfunlarının səbəb olduğu güclü yağış və daşqınlarla üzləşib.
Bildirilib ki, Çində daşqınlarda ümumilikdə 142 nəfər həyatını itirib.
Müxbir: İntizar Əmirova