Bugun.tv– xəbər verir ki, Milli Məclisin Deputatı Ceyhun Məmmədov “Nizami” Kino Mərkəzində uşaq leykemiyası ilə mübarizəyə həsr olunmuş “Güclü Ümid, Sağlam Gələcək” tədbirində iştirak edib.
Deputat mövzu ilə bağlı sosial media hesabında paylaşımında bildirib ki, belə tədbirlər cəmiyyətimizdə həmrəylik ruhunu gücləndirir, xəstə uşaqlarımıza dəstək olur və onların gələcəyə ümidlə baxmalarına imkan yaradır.
Qeyd edək ki, tədbir çərçivəsində Qanvermə Aksiyası təşkil olunub, ekspertlərin iştirakı ilə Konfrans və Panel çıxışları keçirilib. Həmçinin məşhur müğənnilərin səhnəsi ilə “Uşaqların Səsi Ol” adlı konsert proqramı təqdim edilib.
Ceyhun Məmmədovun sözlərinə görə, dövlət qurumlarının və Milli Məclisin aidiyyəti komitələrinin nümayəndələri tədbirdə iştirak edərək leykemiya ilə mübarizədə görülən işlər, əldə olunan nəticələr və gələcək perspektivlər barədə ətraflı məlumat verilbər.
“İnanıram ki, cəmiyyət olaraq hər birimizin birgə səyləri, göstərdiyimiz dəstək və qayğı bu uşaqların həyatına böyük fərq gətirir. Biz birlikdə onların sağlam gələcəyə ümidlə baxmalarını təmin edə, onları ruhlandıraraq həyat mübarizəsində yanlarında ola bilərik.
Belə tədbirlər yalnız xəstə uşaqlara dəstək göstərməklə kifayətlənmir, həm də ictimai məsuliyyəti gücləndirir, sağlam həyat tərzinin və könüllülük fəaliyyətlərinin əhəmiyyətini bir daha ortaya qoyur” – deyə vurğulayıb.
