Bugun.tv xəbər verir ki, Bosniya və Herseqovina və Xorvatiyada güclü yağışlar nəticəsində daşqınlar baş verib.
Federasiyanın Mülki Müdafiə Agentliyindən verilən açıqlamaya görə, ölkənin şimal-qərbindəki Krajina bölgəsində dünən axşam saatlarında başlayan güclü yağış, Una və Sana çaylarında suyun səviyyəsinin artması səbəbindən bəzi ev və iş yerlərini su basıb. Vəziyyət kritik səviyyələrə çatıb.
Bihacın Kulen Vakuf bölgəsində çoxlu evin su altında qaldığı bildirilən açıqlamada ölkənin digər bölgələrində də su basma təhlükəsinin olduğu bildirilib.
Bosniya və Herseqovina Federasiyasının Meteorologiya İnstitutu yağışların cümə axşamına qədər ölkə daxilində davam edəcəyi ilə bağlı xəbərdarlıq edib.
Digər tərəfdən, Sanski Most şəhəri seldən sonra təbii fəlakət bölgəsi elan edilib.
Daşqın zonasına yanğınsöndürənlər və evakuasiya qayıqları göndərilib. Həmçinin Xorvatiya ordusunun 300 şəxsi heyətinin ərazidə olduğunu bildirilib.
Mənbə: TrtHaber