Bugun.tv xəbər verir ki, gülüş insanların həyatında böyük rol oynayır. Araşdırmalar göstərir ki, təbəssüm ürək-damar və nəfəs alma sistemi xəstəlikləri riskini azaldır. İnsan ömrünü 7 ilə qədər uzadır.
Tanınmış satirik şair Əvəz Qurbanlı televiziyalardan birində son zamanlar gülüş zövqümüzün korlandığı üçün sənətçiləri əsl sənət göstərməyə çağırış edib.
“Gülüş zövqümüz korlanıb. İnsanları da qınamaq olmaz. Çünki qonağa nə versən onu yeyəcək. Tamaşaçıya da nəyi göstərsən ona baxacaq. Ola bilsin gülüş zövqünün korlanması ucuz gülüş dalınca özlərini əziyyətə salmayan sənətçilərin, aktyorların artmasıdır. Bu kimi hallar günümüzün reallığıdır”, – deyə Ə.Qurbanlı bildirib.
Sonda şair bəzi gülüş ustalarına saxta yox, əsl gülüş təqdim etməyi tövsiyə edib.
Müxbir: İntizar Əmirova