Bugün.tv xəbər verir ki, Bakıda BMT-nin Qadınlara Qarşı Zorakılıqla Mübarizə Etimad Fondunun (UN Trust Fund to End Violence against Women) maliyyələşdirdiyi və “Əlil Qadınlar Cəmiyyəti” İctimai Birliyinin təşkilatçılığı ilə “Bakı, Gəncə və Quba-Xaçmaz bölgəsində sağlamlıq imkanları məhdud qadın və qızların dövlət xidmətlərindən istifadə imkanlarının yaxşılaşdırılması” layihəsi çərçivəsində növbəti təlim təşkil olunub. Tədbir Bakı Reablitasiya Mərkəzinin binasında keçirilib.
Təlimdə Əmək və Əhalinin Sosial Müdafiəsi Nazirliyinin Dövlət Tibbi-Sosial Ekspertiza və Reabilitasiya Agentliyinin 33 əməkdaşı iştirak edib. Təlimçi, Etika Akademiyasının rəhbəri Günel İbrahim həssas qruplarla iş zamanı “Müxtəlif növ əlilliyi və kommunikasiya çətinlikləri olan qadın və qızlar ilə peşəkar etik ünsiyyət və onlara xidmət göstərməyə dair kommunikativ bilik və bacarıqlar” mövzusu ilə bağlı geniş məlumat verib.
Sonra iştirakçılar G.İbrahimə etik ünsiyyət qaydaları ilə bağlı onları maraqlandıran suallar ünvanlayıblar. Təlimçi öz təcrübəsinə əsaslanaraq verilən sualları ətarflı şəkildə cavablandırıb.
Tədbirin sonunda iştirakçılara sertifikatlar təqdim olunub. Xatirə fotoları çəkilib.
