Bugun.tv xəbər verir ki, Avstraliya və Çilidən olan alimlər qrupu Çilidəki Atakama səhrasında teleskopların köməyi ilə apardıqları müşahidələr nəticəsində “J0529-4351” adlı son dərəcə parlaq və kütləvi kvazar haqqında təəccüblü təfərrüatlar aşkar ediblər.
Astronomlar araşdırmalardan sonra belə qənaətə gəliblər. Günəşdən 500 trilyon dəfə daha parlaq olan bu kvazar “kainatın ən parlaq obyekti” ola bilər.
Sözügedən kvazarın Yerdən 12 milyard işıq ili uzaqda yerləşdiyini qeyd edən astronomlar cismin mərkəzindəki qara dəliyin kütləsinin Günəşinkindən 17-19 milyard dəfə böyük olduğunu da müəyyən ediblər.
Araşdırmanın təfərrüatları “Nature Astronomy” jurnalında dərc olunub.
Mənbə trthaber
Müxbir Qaytən Qasımzadə