Bugun.tv xəbər verir ki, Gürcüstanda etiraz aksiyaları səngimək bilmir. Müxalif Vahid Milli Hərəkat Partiyasının təşkil etdiyi mitinqdə yüzlərlə insan Tbilisinin mərkəzində parlament binası qarşısında toplaşıb.
Etiraz aksiyası yerli televiziya kanalları tərəfindən yayımlanır.
Dövlətə konkret tələblər səsləndirilmir. Təşkilatçılar hökuməti Avropa Birliyinin namizəd statusu almaq üçün zəruri olan 12 tövsiyəsini yerinə yetirməyə çağırırlar. İştirakçılar ölkənin Avro-Atlantik kursunda israr edir. Hakimiyyəti xarici siyasət vektorunu Rusiya ilə daha sıx münasibətlərin xeyrinə dəyişməyə çalışmaqda günahlandırırlar. Aksiyaçılar Gürcüstan və Avropa İttifaqının bayraqlarını dalğalandırırlar.
Həmçinin, keçmiş prezident Mixail Saakaşvili və Mtavari Arkhi telekanalının rəhbəri Niki Qvaraminin siyasi məhbus olduqlarını bildirərək azadlığa buraxılmasını tələb edirlər. Mitinq dinc şəkildə davam edir.
Mənbə: TASS