Bugun.tv xəbər verir ki, hadisə Türkiyənin Antalya şəhərinin Kumluca rayonu sahillərində baş verib. Belə ki, Qvineya-Bisau bayraqlı ticarət su nəqliyyatı batıb.
Gəmi naməlum səbəbdən su almağa başlayıb. Hadisə ilə bağlı təcili çağırış göndərilib. Sahil Təhlükəsizlik qrupları dərhal hərəkətə keçib. Bölgəyə 1 korvet, 7 qayıq, 2 helikopter və 1 təyyarə göndərilib.
Lakin 14 ekipajı olan gəmi bir neçə dəqiqə ərzində su altında qalıb. Komandalar ilk mərhələdə 5 nəfəri sudan çıxara biliblər. 9 nəfərin axtarışına başlanılıb. Təxminən 15 saat sonra Suriya vətəndaşının cansız cəsədi tapılıb.
İtkin düşən 8 dənizçinin axtarışları davam edir. Ancaq güclü fırtına xilasetmə işlərini ləngidir.
Hadisə ilə bağlı Kumluca Respublika Prokurorluğu tərəfindən istintaq başladılıb.
Mənbə: NTV haber