Husilər Ukrayna və Polşaya məxsus yük gəmisinə gəmi əleyhinə raketlə hücum edib.
İranın dəstəklədiyi husilər Ədən körfəzində Palau bayraqlı yük gəmisinə gəmi əleyhinə raketlərlə hücum edib. Bir nəfərin yaralandığı hücumu ABŞ Mərkəzi Komandanlığı açıqlayıb.
Bildirilib ki, İranın dəstəklədiyi husilər Ədən körfəzində üzən, Palau bayraqlı, Ukraynaya məxsus və Polşaya məxsus yük daşıyan M/V Verbena gəmisinə gəmi əleyhinə raketlərlə hücum edib.
ABŞ Mərkəzi Komandanlığının (CENTCOM) verdiyi açıqlamada, Malayziyadan İtaliyaya inşaat materialları daşıyan gəmiyə edilən hücumda bir dənizçinin ağır yaralandığı və gəmidə yanğının başladığı, yaralanan dənizçinin isə təxliyə edildiyi bildirilib.
Bəyanatda, “İran tərəfindən dəstəklənən husilərin həyata keçirdiyi bu ehtiyatsız davranışlar regional sabitliyi təhdid edir və Qırmızı dəniz və Ədən körfəzindəki dənizçilərin həyatını təhlükə altına alır”, – deyə açıqlamada “Husilər Qəzzada fələstinlilər adından hərəkət etdiklərini iddia edirlər. Qəzzadakı münaqişə ilə heç bir əlaqəsi olmayan üçüncü ölkə vətəndaşlarını hədəfə alırlar”.
Həmçinin bəyanatda Husilərin regionda naviqasiya təhlükəsizliyinə qarşı davam edən təhdidlərinin Qəzzəyə və Yəmən xalqına kritik yardımların çatdırılmasını çətinləşdirdiyi vurğulanıb və “ABŞ CENTCOM Husiləri məsuliyyətə cəlb etmək üçün tərəfdaşları ilə birlikdə hərəkət etməyə davam edəcək” deyə bildirilib.
Mənbə: İhlas Xəbər Agentliyi