Bugun.tv xəbər verir ki, “Gənc nəsli narkomaniyadan qoruyaq!” devizi altında növbəti maarifləndirici görüş Lənkəran Şəhər Rayon Polis Şöbəsinin təşkilatçılığı ilə Göyşaban kənd tam orta məktəbinin şagirdləri ilə keçirilib.
Çıxış edənlər narkomaniyanın insan sağlamlığı, cəmiyyət üçün yaratdığı problemlər, narkomaniya ilə mübarizə istiqamətində həyata keçirilən maarifləndirmə işləri, bu sahədə qəbul olunan dövlət proqramları, sağlam həyatın vacibliyi haqqında geniş məlumatlar veriblər.