İngiltərədə aparılan sorğuya görə, hər üç müsəlmandan biri artan nifrət nitqi və anti-müsəlman əhval-ruhiyyəsi (İslamofobiya) səbəbindən ölkəni tərk etməyi düşünür.
Ölkədə müsəlmanlara qarşı hadisələri və nifrət cinayətlərini izləyən “Tell Mama” qeyri-hökumət təşkilatı və Survation araşdırma şirkəti iyulun 30-dan oktyabrın 14-dək 750 müsəlman iştirakçı ilə apardıqları sorğunun nəticələrini paylaşıb.
İngiltərədə 30 İyulda başlayan ifrat sağçı zorakılıqdan sonra müsəlmanların qarşılaşdıqları nifrət nitqi və anti-müsəlman ifadələri ilə bağlı sorğuya görə, sözügedən dövrdə hər 4 müsəlmandan biri nifrət nitqi və İslamofobiyanın qurbanı olub.
Həddindən artıq sağçı zorakılıqdan sonra müsəlmanların risk altında olduğunu düşünənlərin nisbəti 3-də 2 olduğu halda, hər 3 müsəlmandan biri hadisələrdən sonra başqa ölkəyə köçmək fikrini ifadə edib.
Southport şəhərində 3 uşağın öldürüldüyü bıçaqlı hücumdan sonra başlayan ifrat sağçı zorakılıq səbəbiylə nifrət nitqi və anti-müsəlman fikirlərin əsas baxışa çevrildiyini düşünənlərin nisbəti 10-dan 7-si olub.
Anketdə hər iki adamdan birinin hadisələrdən sonra müsəlman kimliyini açıq şəkildə yaşamağa başladığı və hər şeyə baxmayaraq İngiltərənin təhlükəsiz olduğunu düşünənlərin nisbətinin 10-dan 6-sı olaraq qeyd edildi.
Qadın iştirakçıların yüzdə 27-si nifrət nitqinə məruz qaldıqlarını bildirərkən, kişilərdə bu nisbət yüzdə 24-dür.
Sorğuda iştirak edən hər 10 nəfərdən dördü məscidlərin ifrat sağçı ekstremistlərin hədəfi olmağa davam etdiyinə inandıqlarını bildirib.
Ən çox islamofob diskurslar, hücumlar və nifrət cinayətləri Birmingem, Worcester və Coventry kimi şəhərlərin yerləşdiyi West Midlands bölgəsində baş verib.
Bu bölgədən respondentlərin 41 faizi bu cinayətlərə real həyatda və internetdə məruz qaldıqlarını bildirərkən, Londonda bu nisbət yüzdə 16 olaraq anketdə əksini tapıb.
“Sorğuda əldə olunan nəticələr hərəkətə çağırışdır”.
Araşdırmanı şərh edən Tell Mama-nın direktoru İman Atta bildirib ki, müsəlmanlara qarşı əhval-ruhiyyə və nifrət nitqi müsəlman icmasına təsirini hiss etdirməyə davam edir.
Müsəlman cəmiyyətinə dəstək olmaq üçün daha çox addımların atılması lazım olduğunu bildirən Atta, “Anketdəki tapıntılar hökumət üçün hərəkətə çağırışdır” dedi.
İyulun 29-da İngiltərənin Sautport şəhərində 3 uşağın öldüyü, 8-i uşaq olmaqla 10 nəfərin yaralandığı bıçaqlı hücumdan sonra ölkədə müsəlmanlara qarşı ifrat sağçı zorakılıqlar başlayıb.
18 yaşından kiçik olduğu üçün adı açıqlanmayan Uels əsilli hücumçunun müsəlman olduğu və ötən il ölkəyə qeyri-qanuni yollarla gəldiyi ilə bağlı dezinformasiyaların yayılması ilə ölkədəki məscidlər, müsəlmanların iş yerləri və dərnək binaları hədəfə alınıb.
Təxminən bir həftədir ölkənin bir çox şəhərində baş verən hadisələrin başlanğıcı sayılan Southport hücumunu həyata keçirən şəxsin Ruanda əsilli 17 yaşlı Aksel Rudakubana olduğu açıqlanıb.
Mənbə: TrtHaber