İnsanlarda bir çox problemə səbəb olan həddindən artıq düşünmə sindromu haqqında məlumat verən mütəxəssislər, bu vəziyyətin bir müddət sonra insanı narahat etdiyini, hətta yuxuya getmədə çətinlik çəkə biləcəyini deyirlər.
Onlar daim keçmişi və gələcəyi düşünənlərə bəzi xəbərdarlıqlar ediblər:
“Bu heç də yaxşı hal deyil. Həddindən artıq düşünmənin əsas psixoloji vəziyyəti narahatlıq pozğunluğunun bir formasıdır. Gündəlik insan beyni orta hesabla 5000 fərqli düşüncələr istehsal edir. Onları idarə etməyə çalışmaq həddindən artıq düşünmə probleminə və hətta tək qalmağınıza səbəb ola bilər” – mütəxəssislər vurğulayıb.
Həddindən artıq düşündüyünüzü anladığınız zaman bunun qarşısını almaq üçün mütəxəssislər aşağıdakı qaydalara riayət etməyi məsləhət görüblər.
Birincisi sizi narahat edən mövzuya beyninizdə sadəcə gün ərzində yalnız 10 dəqiqə vaxt ayırın. Və yalnız o müddət ərzində o mövzunu düşünün. Beləliklə, beyniniz bu verilən fasilələrə alışacaq və dincələck.
İkincisi əgər sizdə sözügedən sindrom varsa, bunu dərk etməli və uzunmüddətli yox, konkret düşünməyə çalışmalısınız.
Üçüncüsü isə fikirlərinizi yazmaq sizi narahat edən şeylərin zehninizdən çıxarmağınıza kömək edəcək.
Əgər həddindən artıq düşünmək problemi ilə mübarizə aparırsanız, insanların köməyinə və dəstəyinə açıq olmağa da diqqət yetirməlisiniz. Düşüncə sıxlığınız sizi narahat edirsə və təkbaşına öhdəsindən gələ bilməyəcəyinizi hiss edirsinizsə, peşəkar kömək axtarmaqdan çəkinməyin.
Mənbə: İLKHA