Meksikada həddindən artıq istilər səbəbindən “ulayan meymun” ölümləri ölkənin bir çox ştatlarına yayılıb. Meksikanın Ətraf Mühit Nazirliyi Cənubi və Mərkəzi Amerika qitəsinə mənsub olan ulayan meymunların ölümü ilə bağlı açıqlama verib.
Açıqlamaya görə, ölkənin Çiapas və Tabasko əyalətlərində görülən ölüm halları Campeche və Veracruz əyalətlərində də müşahidə olunmağa başlayıb.
Testlər göstərib ki, meymunlar istidən ölüblər. Bildirilib ki, hazırda ölkədə hökm sürən quraqlıq və meymunların məskunlaşdığı rayonlarda su ehtiyatlarının olmaması da ölümlərdə rol oynayıb.
Səlahiyyətlilər bildiriblər ki, meymunlar üçün su verilməyə başlanmaqla yanaşı, səyyar baytarlıq müəssisəsi yaradılıb.
Hazırda ölənlərin sayı ilə bağlı heç bir açıqlama verilməsə də, keçən həftə 157 ulayan meymunun öldüyü bildirildi.
Ölkənin şimalındakı zooparkda bəzi heyvanların, o cümlədən tutuquşuların susuzluqdan tələf olduğu bildirilib.
Mənbə: TrtHaber