Rusiya Sülməramlı Kontingentinin nəzarətində olan Şuşa- Xankəndi yolunda davam edən aksiyalar bu gün də gərginliyini saxlayıb. Aksiya iştirakçıları milli-mənəvi dəyərimiz olan azərbaycan musiqi ilə öz etirazlarını bildirməyə davam edirlər. Qeyd edək ki, artıq iki sutkadır davam edən aksiya Qarabağ iqtisadi rayonunda ekoloji terrora son qoyulması məqsədi ilə keçirirlir.
Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev baş verənlərə münasibət bildirib. O qeyd edib ki, aksiya iştirakçılarının fikirlərində qanuna zidd heç nə yoxdur: “Onlar qanuni tələblər irəli sürərək, Qarabağda ekoloji terrora son qoyulmasını tələb edirlər. Qeyri-qanuni heç nə istəmirlər.”