HƏMAS Siyasi Bürosunun üzvü Usamə Həmdan Qətərin paytaxtı Dohada davam edən atəşkəs danışıqlarından hələlik müsbət siqnalların olmadığını bildirib.
Qətər Xarici İşlər Nazirliyinin sözçüsü Məcid əl-Ənsari Qəzzada atəşkəslə bağlı paytaxt Dohada dünən başlayan vasitəçilik danışıqlarının bu gün də davam edəcəyini açıqlayıb.
Həmdan Dohada davam edən danışıqlarla bağlı açıqlama verib. Danışıqlarda birbaşa iştirak etməyən HƏMAS bəyan edib ki, danışıqların hansı mərhələsinə dair dəqiq mənzərə yoxdur.
Həmdan, “Müzakirəçilər fikir ayrılıqlarını həll etmək üçün danışıqları davam etdirirlər. Ancaq aydındır ki, İsrail tərəfi şərtləri artırıb, yeni məsələlərdən danışırlar” deyib.
Həmdan əlavə edib ki, işğal rejimi müsbət siqnal verərsə, HƏMAS yenidən danışıqlara qatıla bilər.
Mənbə: İLKHA