Ümummilli lider Heydər Əliyevin anadan olmasının 100 illiyinə həsr olunan silsilə tədbirlər davam edir. Bu münasibətlə paytaxtda solo konsert təşkil olunub.
Bugun.tv xəbər verir ki, tədbir Müslüm Maqomayev adına Azərbaycan Dövlət Akademik Filarmoniyasında baş tutub. Gecədə Qara Qarayev adına Azərbaycan dövlət Kamera Orkestrinin müşayiəti ilə Əməkdar müəllim, professor Fatimə İdiyatulinanın tələbəsi, Respublika və beynəlxalq müsabiqələr laureatı Surə Rüfət violində müxtəlif ifalar təqdim edib. Konsertin dirojoru isə Orxan Həşimov olub. Musiqi axşamı Mədəniyyət Nazirliyi, həmçinin Filarmoniyanın “Gənclərə dəstək” layihəsi çərçivəsində keçirilib.