Hindistan öz milli valyutasına əsaslanan ticarətin genişlənməsinə təkan verəcək.
Bugun.tv xəbər verir ki, bu barədə ölkənin Ticarət və Sənaye Nazirliyinin rəsmisi bildirib.
“Əlbəttə, biz problemlərlə üzləşən ölkələrlə rupi ticarətinin baş verməsini görmək istərdik ”, – deyə o, bildirib.
2022-ci ildə Hindistan ticarət hesablaşmalarının müvafiq milli valyutalara keçməsi üçün 18 dövlətlə müqavilə imzalayıb. Bu siyahıya BƏƏ, Səudiyyə Ərəbistanı və bir neçə Afrika ölkəsi daxildir.
Daha əvvəl Rusiyanın rupi ilə ticarət ödənişləri etmək üçün Hindistan valyutasında onlarla bank hesabı açdığı bildirilmişdi.
Mənbə: TASS