İndiyədək 2400 Hindistan vətəndaşı Sudandan təxliyə edilib.
Bugun.tv xəbər verir ki, bu barədə ölkənin Xarici İşlər Nazirliyi məlumat yayıb.
Açıqlamada təxliyə edilən vətəndaşların Səudiyyə Ərəbistanının Ciddə şəhərinə gəldiyi bildirilib.
“Evakuasiya əməliyyatı davam edir. 231 nəfər sağ-salamat evlərinə çatdı, başqa bir təyyarə isə Yeni Dehliyə gəldi”, – Hindistanın xarici işlər naziri Subrahmanyam Jaishankar deyib.
Təyyarədən enən vətəndaşlar baş nazir Narendra Modi və Caişankara onları təxliyyə etdikləri üçün təşəkkür ediblər.
Qeyd edək ki, aprelin 15-də Sudanda ordu ilə Çevik Dəstək Qüvvələri arasında qarşıdurmalar baş verib. Toqquşmalar nəticəsində yüzlərlə dinc sakin həyatını itirib. Atəşkəs elan olunmasına baxmayaraq, qarşıdurmalar hələ də davam edir.
Mənbə:TRT haber