ABŞ Dövlət Departamentinin baş məsləhətçisi, Hindistan və Cənubi Asiya məsələləri üzrə ekspert Ashley Tellis evində 1000 səhifədən çox məxfi dövlət sənədləri saxlamaqda ittiham edilərək saxlanılıb.
ABŞ Ədliyyə Nazirliyinin internet saytında verilən açıqlamaya görə, Dövlət Departamentinin hökumətlə yaxından işləyən 64 yaşlı baş müşaviri Tellisin evində həftə sonu axtarış aparılıb.
Federal Təhqiqatlar Bürosunun (FTB) apardığı axtarış nəticəsində “məxfi” və “tam məxfi” kimi təsnif edilən 1000 səhifədən çox sənəd aşkar edilib.
ABŞ Müdafiə Nazirliyi (Pentaqon) ilə də işləyən Tellis “milli müdafiə məlumatlarını qanunsuz olaraq gizlətmək” ittihamı ilə saxlanılıb.
FTB-nin tərtib etdiyi sənədlər göstərir ki, Tellis keçən ay bir neçə dəfə hökumət kompüterlərindən ABŞ hərbi təyyarələri haqqında məlumatları ehtiva edən məxfi sənədləri çap edib.
FTB sənədlərində Tellisin son illərdə Çin dövlət rəsmiləri ilə dəfələrlə görüşdüyü, 2022-ci ildə Çin rəsmiləri ilə şam yeməyinə əlində bir faylla getdiyi, ancaq yeməyi faylsız tərk etdiyi barədə məlumatlar da yer alırdı.
Mənbə: HurriYet