Hizbullah partiyasının silahlı qanadının dəstələri Livanla sərhəddən bir kilometr aralıda yerləşən Dişon qəsəbəsində İsrail ordusunun mövqelərini atəşə tutub.
Bugun.tv xəbər verir ki, bu barədə Hizbullahın hərbi informasiya xidməti teleqram kanalında bəyanat yayıb.
Bildirilir ki, zərbələr çoxsaylı raket sistemlərindən endirilib.
Bəyanatda bu əməliyyatın “İsrailin Qəzza zolağında hücumlarına müqavimət göstərən Fələstin əhalisinin rəşadətli müqaviməti ilə həmrəylik məqsədilə” həyata keçirildiyi qeyd olunub.
İsrail artilleriyası atəş açılan Ayt əş-Şaab və Aytrun yaşayış məntəqələrinin ətrafına cavab zərbələri endirib.