Bugun.tv xəbər verir ki, Hollandiya bəzi müdafiə sənayesi avadanlıqlarının Türkiyəyə ixracına qoyulan məhdudiyyəti aradan qaldırdığını açıqlayıb.
Hollandiyanın Xarici İşlər Nazirliyi, Müdafiə Nazirliyi və İqtisadiyyat və İqlim İşləri Nazirliyi müdafiə sənayesi avadanlıqlarının ixracına qoyulan məhdudiyyətin aradan qaldırılması qərarı ilə bağlı birgə mətn dərc edib.
Üç nazirliyin birgə mətni Avropada müdafiə sahəsində əməkdaşlığın daha da yaxınlaşmasını təşviq etmək üçün Hollandiya hökumətinin silah ixracına nəzarətlə bağlı gördüyü tədbirləri diqqətə çatdırıb.
Mətndə Hollandiya hökumətinin Avropa müdafiə əməkdaşlığını gücləndirmək və Hollandiyanın bu layihələrdə iştirakını təşviq etmək istədiyi bildirilib. Bunun Avropada ədalətli rəqabət tələb etdiyi önə çəkilib.
Müdafiə sektorunun iqtisadi canlılığının və innovativ gücünün böyük ölçüdə ixracdan asılı olduğu və bu sektorun dövriyyəsinin yarısından çoxunun (54 faiz) ixracdan gəldiyi vurğulanıb.
Bu çərçivədə hazırda Türkiyə, Birləşmiş Ərəb Əmirlikləri (BƏƏ) və Səudiyyə Ərəbistanı üçün qüvvədə olan müdafiə sənayesi avadanlıqlarının ixracına qoyulan məhdudiyyət qərarının dərhal sona çatacağı qeyd edilib.
Mənbə: AAHaber